مأساة فاجعة ........ الحلقة الثانية

تنويه

هذه القصة تدور احداثها مابين عام 1999 وعام 2000
فلم يكن لدينا فى ذلك الوقت هواتف محمولة تسهل الاتصال
واقصى ما كان يفعله العشاق هو تبادل الرسائل الورقية
وكل ما كان لدينا من وسائل الاتصال هو الهاتف الارضى القديم
الذى لا يظهر رقم المتصل
هذا فقط للعلم


لنتابع معا القصة عند الحد الذى وقفنا عنده الحلقة الماضية

وقرر ان يكلمها ويتعرف اليها ****ولعب الحظ دوره
فذات يوم و بعد انتهائه من القاء احدى قصائده
لاحظ وجود كرسى خالى بجانبها فنزل وجلس بجانبها
وبدأ الحديث معها مباشرة
لدرجة انهما لم يعرفا ماذا قال الشعراء الآخرين بعده

مساء االخير

اهلا استاذ (0000


إنتى تعرفينى؟

أيوه أعرفك انت فلان

بس انا مش عارف اسمك ممكن اتشرف ؟

انا اسمى (00000

اهلا وسهلا إيه رأيك فى الكلمات بتاعتى؟

حاجة روعة انا بحب دايما اتابع شعر الهواه

اشمعنى شعر الهواه بالذات؟


لان الهاوى بيكتب الحاجة اللى بيحس بيها بس
ومعندوش اى غرض او هدف من كتاباته غير الابداع وبس

ياااااه انتى باين عليكى مثقفة قوى

لأ مش قوى كده انا بحب الشعر الرومانسى وبكتب خواطر

وبتكتبى كمان طيب ممكن اشوف الحاجات بتاعتك؟

معلش انا احب احتفظ بيها لنفسى لانها تخصنى انا بس

يعنى فيها اسرار؟


لأ مش اسرار ولا حاجة لكن لو حد قراها
يبقى كأنه بيدخل جوه نفسى وانا محبش كده

خلاص انا آسف

لأمتتأسفش مفيش حاجة

انتى بتيجى هنا كتير

مرتين اسبوعيا السبت والثلاثاء

وانا كمان هنا سبت وتلات

طيب انا لى عندك طلب ممكن؟

اتفضلى انتى تأمرى

متشكرة جدا انا عايزة اقرا الاعمال بتاعتك كلها ممكن تسمحلى؟


حاضر انا عندى ديوان مطبوع واوراق الديوان التانى جاهزة للطبع
والمرة الجاية اجيبهم لك معايا

انا متشكرة جدا


وافترقا على امل اللقاء فى المرة القادمة
وان يعطيها كل اعماله وخواطره لتقرأها
وفى اللقاء الثانى اعطاها الديوان والاوراق
وطلب منها ان تقرأها بتركيز وان تفهم معناها
جيدا لان الشعر العامى او الزجل يجب اولا ان تعرف
كيف تقرؤه حتى تفهمه
فقالت له

اذا لقيت حاجة مش فاهماها ممكن اتصل بيك ونتناقش فيها

يا ريت ده شئ يسعدنى جدا

طيب خلاص ادينى رقم تليفونك

تليفون بيتى 00000 وفين تليفونك بقى؟

لأ ما ينفعش تاخد رقم بيتنا

ليه؟

انا لو احتجت اكلمك هتصل بيك
لكن انت لو حاولت تتصل مش انا اللى هكلمك
ممكن والدى او والدتى او اى حد من اخواتى
وكده ممكن تعمل لى مشكلة

خلاص زى ما تحبى بس يا ريت ماتتأخريش عليا

لأ متخافش كلها كام يوم وارجع لك الاوراق تانى

انتى فهمتى غلط انا ما اقصدش الورق
اقصد متتأخريش عليا فى الاتصال


فنظرت اليه نظرة طويلة صامتة غامضة
لم يفهم معناها وقالت له

حاضر هكلمك قريب


وافترقا فى تلك الليلة وهو ما زال يفكر
فى معنى نظرتها الصامته الطويلة
هل غضبت منه مثلا؟ هل لا تريد ان تكلمه؟
هل لا تريده ان يكلمها؟
انه لم يعرض عليها ذلك بل هى التى قالت له
اذا لم تفهم شيئا سوف تتصل به وتناقشه
ولم يطل به التفكير كثيرا فبعد 24 ساعة اتصلت به ليلا

الو

ايوة

مساء الخير

مساء النور مين بتتكلم؟

انت نسيت صوتى بسرعة كدة؟


معلش انا اسف اصلى مش متوقع
تكلمينى بالسرعة دى


اصل فيه بعض العبارات كده مش فاهمة مقصدها
ويمكن مش عارفة اقراها صح



واندمجا فى الحديث والمناقشات وتكررت المكالمات
والمقابلات فى المنتدى الشعرى ولكنها طلبت منه
ان لا يحاول الحديث معها والتقرب منها فى المنتديات
والامسيات الشعرية حتى لا يتكلم عليها احد بما يسوؤها
وكان يتحدثان هاتفيا كل ليلة وتشعب الحديث بينهما
الى امور اخرى غير الشعر والادب
الى امور شخصية تخص كل منهما
وحكى لها عن كل تفاصيل حياته وشكى اليها ظروفه
وهمومه ولم يترك شيئا يخصه الا وتكلم اليها فيه
وحكت له هى الاخرى انها مخطوبة لابن عمتها
الذى هاجر منذ 4 اعوام الى امريكا وسينزل العام
القادم لاتمام الزواج وكيف ان الخطوبة تمت بالمراسلة
فهى لا تعرفه جيدا ولا يتصل بها الا كل شهر تقريبا
واذا اتصل تكلم معها كما يتكلم مع خاله الذى هو والدها
فهو لا يعرف شيئا عن المشاعر والاحاسيس مجرد شخص
مادى لا يعرف فى الدنيا سوى جمع المال فقط
وبمعنى ادق هذه الخطوبة تقليدية وستنتهى بزواج عادى تقليدى
وانه لا يمثل لها الشخص الذى تريده وتحلم به
ولكن هذه رغبة والها وهذا قدرها

ورويدا رويدا بدأ الحب يتمكن من قلبيهما
ولم يكن حتى هذه اللحظة قد باح لها بمشاعره
وذات ليلة قرر ان يصارحها وفى اثناء الحديث قال لها

انا عايز اصارحك بحاجة

خير؟

المفروض تكونى حاسة انا هقول إيه

0000000000000000000000

انتى مش عارفة انا عايز اقول ايه؟

00000000000000000000000000000

مش بتتكلمى ليه؟

انا عارفة انت قصدك ايه بس ياريت بلاش

ليه؟


علشان هتعذب نفسك وتعذبنى من غير فايدة
ومش هتلاقى راحتك فى الموضوع ده

انا راحتى انى اكون معاكى فى مكان وتحت اى ظرف

صدقنى مش هينفع

يعنى افهم من كده انك مش بتبادلينى نفس المشاعر؟

بالعكس انا 0000000000

انتى ايه قولى وريحينى

حرام عليك ما تتعبنيش معاك


لو مش بتحبينى قولى وانا اوعدك مش هكلمك تانى
او اتعرض لك

ابدا ابدا انا مش عايزاك تبعد وتسيبنى

طيب ايه المشكلة؟ علشان انا متجوز؟

خلاص هتفهم بعدين

المهم دلوقت انا ايه بالنسبة لك؟

انت اهم انسان عندى فى الدنيا
ومش هقدر اقول اكتر من كده


وهكذا سارت بهما الايام يتكلمان كل ليلة ويشكو كل منهما همه لصاحبه
ويتبادلان الحب والمشاعر والرسائل الورقية حتى تمكن الحب منهما تماما
ولم يعد بامكان احدهما مفارقة الاخر ولو يوما واحدا
وفى ذات ليلة وبعد مرور اكثر 8 شهور على علاقتهما
اذا بها تصدمه صدمه عنيفة


الو 000 مساء الخير

مساء الخير يا روحى انتى عاملة ايه؟

انا كويسة الحمد لله يا حبيبى وانت كويس؟

طول ما انا بشوفك وبسمع صوتك هفضل دايما كويس

انا عايزة اكلمك فى حاجة مهمة

خير؟

خطيبى نازل بعد 3 شهور

وبعدين

وهنتجوز على طول واسافر معاه امريكا

00000000000000000000000


انا قلت لك من الاول مش هينفع
وهتعذب نفسك وتعذبنى معاك

0000000000000000000000000000

انت مش بترد عليا ليه ؟ انت مش سامعنى؟

لأ سامعك كويس

طيب كلمنى قول اى حاجة

وهتسمعينى؟

ايوة

خلاص يبقى لازم تفسخى الخطوبة دى

وبعدين؟

بعد ما تفسخى الخطوبة بفترة نتجوز

مش هينفع

ليه؟ انا اقدر اخليكى تعيشى فى بيت لوحدك

انت متعرفش حاجة


انا مستعد اقنع والدك بس انتى لازم تساعدينى
وترفضى العريس وتصممى انك تتجوزى الشخص اللى بتحبيه

حتى لو فسخت الخطوبة مينعش نتجوز

ليه؟ علشان انا متجوز ومعايا 3 اولاد؟
على فكرة انا عندى 28 سنة وفيه ناس فى سنى
لسة ما اتجوزوش

لآ مش ده السبب

والدك مش هيرضى يجوزك لواحد متجوز مش كده؟

انت تعرف والدى؟

لأ

انت تعرفنى انا بس صح؟

ايوه


طيب اسمع يا حبيبى 00000000
حتى لو انت مش متجوز وانا مش مخطوبة هيبقى مستحيل نتجوز


ليه ؟ انتى مشاعرك اتغيرت من ناحيتى؟


حرام عليك ما تظلمنيش انت كمان
كفاية العذاب اللى انا عايشة فيه

طيب ايه السبب


حرام عليك اعفينى الاجابة وحاول تنسانى لان خلاص
علاقتنا مستحيل تستمر اكتر من كده

وانتى هتقدرى تنسينى؟


انا مش عارفة هقدر اعيش ازاى بس لازم كل واحد
مننا ينسى التانى علشان يقدر يعيش

طيب قولى ايه السبب وانا اوعدك مش هقف فى طريقك

مصمم تعرف السبب؟

ايوه

ومش هتزعل منى؟

ابدا

انا 0000000000000

انتى ايه؟ انطقى وخلصينى

انا مسيحية يا حبيبى

00000000000000000000

الو

000000000000000000000000000

حبيبى؟

000000000000000000000000

انت مش بتكلمنى ليه؟ حرام عليك رد عليا

0000000000000000000000



ومن هول الصدمة تخشبت يده على الهاتف ولم يستطيع ان
ينطق حرفا واحدا وكان يسمع صوتها على الجانب الاخر
ولم يكن يميز من كلامها شئ فقط كان يعرف انها تتكلم
بصوت مختنق من شدة البكاء والعذاب والحزن
وبعد لحظات لا يدرى طويلة ام قصيرة اغلق الهاتف


يا الله 0000000000000
هذا اخر ما كان يتوقع

البقية فى الحلقة القادمة

يعطيك الف عاافيه

اكيد انتظر البقيه

لايت كتب:

وبعد لحظات لا يدرى طويلة ام قصيرة اغلق الهاتف


يا الله 0000000000000
هذا اخر ما كان يتوقع

البقية فى الحلقة القادمة





يسلمووووو ابوخشبه

مرحبا عزيزتى لايت
زاد الموضوع اشراقا بمرورك الجميل
اتمنى ان تتابعى القصة للنهايه