شىء غريب

أولا السلام عليكم ورحمه الله وبركاته

ثانيا أنا عايز أقولكم ان لولا رحمه الله مكنش زمانى موجود دلوقتى ولا بكتب الموضوع ده وكان زمانى فى عداد الموتى
أنا تقريبا من يوم وحسيت أنى زعلان وحزين وحاله ملل رهيبه لدرجه وأنى ماشى خارج من البيت فى المساء اتمنيت أنى مرجعش تانى
المهم لما رجعت ونمت حلمت بحلم غريب جدا والاغرب اللى حصلى بعد الحلم فى الحقيقه
حلم عباره عن انى كنت بتفرج على برنامج دينى وكان جايبين فى البرنامج حاله فتاه أتوفت وهى على البالتوك
وكانت فى موضوع خادش للحياء وجابو أزاى البنت ديه ماتت وأزاى روحها فارقت جسمها وسبحان الله كانت مرعبه
وكانت بتصدر صوت مرعب كأنها شايفه شىء مررررررررررعب وصوت حشرجته غريب
انا طبعا أتفجعت من الحلم وقومت من النوم بس لقيت جسمى كله مش ملكى وعينى مفتحه بس شايفه سواد قااتم وحاولت أحرك أيدى او رجلى
مافيش وحاولت أحرك لسانى واتكلم وأنادى على أى حد معرفتش لسانى متحجر أو ميت واللى خلانى أتأكد أنى كنت صاحى انى كنت سامع
صوت مروحتى اللى فى الاوضه وسامح صوت كل اللى حواليا ومكنتش بتنفس ولا حاسس باى ضربات قلب
وحسيت بان ملك الموت جالى وأنى خلاص همووووت وأنى خلاص عمرى انتهى والله العظيم والله العظيم ما بكدب
فى اى كلمه قولتها حسيت فعلا ان ملك الموت معايا وحسيت بأحساس الناس اللى بتموت والله العظيم
حسيت بحد بيقولى خلاص أنت انتهيت وحسيت بان كل حاجه كنت هموت نفسى عليها فى الدنيا ديه بانها
تافها جدا وان كل حاجه فى الدنيا ديه من فلوس أو اى متعه تانيه ملهاش اى لازمعه فى اللحظه ديه حسيت انى ضيعت 23 سنه
فى اللعب وحب البنات والفلوس وبعدت عن السبب اللى اتخلقت علشانه وهو ان الدنيه ديه اختبار وعلى اساسه انا بحدد
هل نهايتى الجنه ام العياذ بالله النار
والله العظيم انا صدقت أنى بمووووت وفى كل ده لقيتنى بقول أشهد أن محمد رسول الله ورجعت قولت أشهد ان لا أله ألا الله وأشهد أن محمد رسول الله
وسبحان الله فجأه أحس بان ربنا عطانى فرصه تانيه علشان اعيش
وحسيت بان ربنا سبحانه وتعالى رحمنى وعطانى فرصه تانيه علشان أثبت أنى انسان كويس وانى كنت محتاج أنذار
علشان أعرف أن ربنا موجود وانى مهما كبرت وبقيت قوى فهو أقوى منى وهو اللى خلقنى
ولقيت عينى فتحت وبقيت بتنفس ولقيت جسمى أتحرك

خلاص ديه حكايتى وربنا يشهد ان كل كلمه قولتها او كتبتها ليكم صدق وحق ويشهد ربنا على كده

وأسف للأطاله

وعليكم السلام
أخوي زمالك الامبراطور
أول شي الحمدلله على السلامه وربنا يعطيك طولة العمر
ثانيا قصتك اثرت فيني والله يحسن خاتمتنا على خير
واتوقع هذا كابوس مش حلم
الله يكفيك شره
تقبل مروري

للاسف يا اختى تمارى ده مش حلم لانى كنت صاحى وسامع كل شىء بيدور حواليا
بس عاجز عن الحراك او عن الكلام

وشكرا على الدعوه
وتسلم أخوى lets do it