استراحة بسيطة

مرحبا
اتحملونا شوي يا مراقبين انا الصراحة اليوم صار معي موقف مرعب كتير وحبيت احكيه منشان اللي زهقان يتسلى ولانو ما في منتدى قصص
هادا يا سيدي انا كنت طالع من غزة لرفح يعني مسافر من مدينة لمدينة ومعروف عنا منطقة خالية اسمها الغابة انو بيسكنها جن
حسب ما بيقولو الختايرة انو في واحد كان ساكن بكوخ هناك وكان متزوج وعندو بنت صغسرة وبيوم من الايام راح قتل مرتو وبنتو
زرماهم في بير مي هناك ومن يومها الناس بتسمع اصوات غريبة بتطلع من هالبير وبيحكو هادي اصوات ارواحهم لانو دمهم ما انغسل
دمهم ما نغسل يعني ماتو وما حد اخد حقهم لهلئيت وبيشوفو اشياء غريبة بين الشجر هناك هيك ستي حكتلي
المهم انا كنت طالع مع هالسواق الغبي طول الطريق ماشي عسرعة ستين وحاطط اغنية ام كلثوم وبيتهيئ لي كان نايم وريحة السيارة
بتقتل والوضع خروبة وبيخنق فالمهم انا ما تحملت غتاتة هالسواق وبديت انكشو وغلس عليه حتى يزيد السرعة راح ابن الذين مطردني من السيارة
وراح نزلني عند هالمنطقة المسكونة اللي حكيتلكم عليها ( الغابة ) فانا اخدت مصاريا وكسرت شباك سيارتو واتبهدلت ويعني عضينا فبعض شوي
وراح كل واحد لحالو هو راح بالسيارة وانا ضليتني عند هالنتفة المسكونة والدنيا ليل وعنجد
كنت اغني الطمي يا انشراح عالسواق اللي راح وكنت مرعوووووب شجر وليل وبرد والشارع مقطوع وماحدا بتعرف عليا فوقفت عالشارع وصرت
احاول اوقف سيارة بس عالفاضي ولا حد عبرني ولا حتى بزموور المهم ضليتني احاول لما القصة خربت عالاخر وبدا الشجر يلعب
واسمع هالاصوات اللي بيحكو عليها صرت الطم عحالي واناجي الله وبالصدفة الا بمرءة سيارة مرسيدس سودة ام عيون بشبابيك بيرسون
اشي غير شكل وكانت ماشية بشويش بطيئة كتيييير فانا قلت اطلع فيها يا ولد وشو ما يصير يصر
والله وفتحت الباب وطلعت فيها الا انا بطلع الا هو ما في حد بالسيارة والسيارة ماشية لحالها والله ما بكذب عليكم
انا شفت هالمظر رجليا صارت تجري لحالها فبفتح الباب ولا هو راضي ينفتح رحت كسرت شباك السيارة وفكحت يعني طبيت اجري
والله وانا بجري سامع صوت رجلين وناس بتلهت ورايا ومش شايف حد المهم اخدتها جراي لرفح لما انهلكت ووصلت هناك عالفجر
فقعدت بكفي شوب هناك وانا مخلص كازي وتريحت وبديت احكي للناس اللي صارلي الا بمرءة تنين شباب مهربدين وبتحس انهم طالعين من
القبر بالواسطة
فواحد من هالتنين بيحكي للتاني
الاول : ولا رامي
التاني : شو بدك
الاول أشر عليا وقال : مش هاد اللي ركب سيارتنا واحنا بنزقها (ندفعها لانها خربانة ) الليلة وكسر شباكها
فحكالو التاني: اه هو
وهجموا علي الصراحة وما عليكو مخبا انا انضربت من كل اللي عالقهوة ودبكوا عليا واه عيني بس كنت مبسوط
ونفسيتي ارتاحت انو اللي كانو يلحقوني ناس سيارتهم خربانة وطول الليل بيزقوها ياحرام مش جن وهيك شغلات
والله قصة ما راح انساها وحبيت احكيها
اسف للاطالة وشكرا للاستماع

ههههههههههههههه
يشرفني انا اكون اول من رد ع موضوعك
بس في منتدى للقصص يعني اذا عندك قصص فيك تحطها بالمنتدى <<ع بالهاا المشرفه

المهم يسلمووو اخوي ع القصه
وتقبل مروري