عمارة رشدى

[]بسم الله الرحمن الرحيم]
اولا احب انوه والفت الانتباه الى القصص السابقه والتى كانت مكرره وان ما حدث كان مجرد سهو منى .
اما موضوعى الذى سوف القيه عليكم واتمنى الا يكون مكرر هو عن ( عمارة رشدى )وهى عماره فى منطقة رشدى بالاسكندريه
وهذه العماره ليس بها سكان منذ بنائها عام 64 حتى الان والسبب غير معروف فانت ممكن تسمع كل شويه راى شكل عن هجر السكان
للعماره دى وطبعا المكان المهجور هو اللى بيبحث عنه الجن والعفاريت خاصة ان العماره مهجوره من سنين وسنين
فجيران العماره يقولون اقاويل فظيعه عن العماره دى ودا بياكد طبعا ان العماره فيها جن
وبيختلف جيران العماره فى تفسير سبب هجر السكان للعماره وعدم تسكينها حتى الانمنهم من يقول ان صاحب العماره قتل فيها والاخر يقول ان الورثه والشركاء قد اختلفوا ولم تسكن العماره حتى الان.
اما عن سبب سكن الجن للعماره دى هو ان ارض العماره اصلا كانت مخصصه لبناء مسجد وطمع فيها رجال الاعمال وبنوها عماره والجن بينتقم منهم والغريب فى الحكايه ان العماره حولها غمامه ومحدش عارف الحقيقه هل العماره مسكونه ام لا؟
اما جيران العماره فارائهم بتختلف بين من يقول ان العماره مسكونه ومن يقول ان ما يقال عن العماره هو ( كلام فاضى ).
ومن بعض القصص الشهيره عن العماره انها كانت اهله بالسكان زمان بس السكان كانوا كل يوم بيصحوا على اصوات صراخ وعلى الحوائط التى لطخت بالدماءو بالرغم ومن كتر اللى بيتحكى عن العماره دى تسمع حارس الجراج الخاص بلعماره يكدب كل الكلام ده ويقول عليه كلام فاضى ويبرر ذلك بان جراج العماره يعمل بشكل صحيح ولا يوجد جن ولا عفاريت كما يقال.
وبسبب الكلام ده قرر شاب قلبه جامد انه يخش العماره ويبات فيها كمان وبالفعل دخل الشاب العماره فى النهار حتى جاء الليل سمع الجيران صوت صراخ شديد يخرج من العماره وفوجئ الناس بخروج الشاب يجرى بسرعه ويصرخ بطريقه هستيريه.
بعد كده قرر 4 شبان قلبهم جامد برضوا انهم يخشوا العماره وقاللوا ان الشاب السابق لهم حدث له ماحدث لانه كان لوحده.
ودخل الشباب العماره لحد ما جه نص الليل سمعت الناس اصوات الشباب تخرج من العمارهاصوات صراخ شديد وخرج الشباب من العماره وهم بحاله يرثى لها ولما سئل الشباب بعد ما خرجو من العماره بايام وبعد ما هديت اعصابهم ( شوفتوا ايه ؟ ) كل واحد حكى حكايه شكل
واحد قال انا لقيت صاحبى مضروب بسكينه وغرقان ف دمه وبيجرى ورايا
والتانى قال ان انا لقيت صاحبى شكله بقى غريب من كتر الدم اللى عليه فخرجت جرى.
وبالاساطير التى تحكى عن هذه العماره تظل اسطوره حقيقيه .
وسوف اوافيكم بقصص اخرى عن العماره دى فى المرات القادمه وساحاول ان شاء الله ان ارفق ذلك بالصور
\\\\\\\\\\\\ شكرا \\\\\\\\\\\\\\\ ومنتظر الردود \\\\\\\\\\\\\\\\\\\\\\\\

مشكور اخي علي القصه منتظرين الجزء الثاني
تقبل مروار