لميس احمد

l]هاى يا جماعة انا جديدة هنا ودة اول موضوع ليا يارب يعجبكم انا هحكيلكم قصة حصلت معايا انا وبنت عمى المهم خلينا فى القصة

فى يوم انا كنت رايحة ازور بنت عمى وكنا انا وهى قاعدين فى البيت لوحدنا مش لاقين حاجة نعملها

المهم انا قلت لها انا امبارح شفت فيلم اجنبى رعب كانوا بيحضروا فية ارواح وانا عرفت الطريقة ايه رايك لو

نجرب من باب التسلية فقالت لى لا بالش انا بخاف من الحاجات ديه فالمهم اتحايلت عليها لغاية لما وافقت وبعد

كدة جبنا شمع احمر و جبنا حلة ودخلنا الغرفة وطفينا انوار الشقة وحطينا مائدة فى نصف الغرفة وولعنا الشمع

وقعدنا نقول كلام زى اظهرى وعليكى الامان كدة يعنى المهم سمعنا صوت حاجة هبدت فى الغرفة الثانية ولقينا رياح جامدة والشباك اتفتح ل

لوحدة فبنت عمى خافت ومرضتش تكمل والصراحة انا كمان كنت ميتة من الرعب بس كنت عاملة نفسى ادامها شجاعة ة

وبعد اسبوع لقيت بنت عمى بتتصل بيا وكان صوتها باين فيه الخوف فقلت لها مالك قالت لى انا امبارح وانا نايمة

سمعت صوت انفاس انا فى الاول كنت بحسبها انفاسى فكتمت نفسى لكن صوت الانفاس لسة شغال فقلت لها اكيد

بيتهيالك فحلفت وقالت لى كمان انها احيانا تبقى قاعدة لوحدها تسمع صوت بينادى عليها واحيانا تسمع بليل والكل نايم

صوت رجلين حد فقلت لها اية رايك تيجى تقضى يومين عندى وبعدها نبقى نشوف هنعمل اية فوافقت لما جت حكتلى

وقالت انها من يوم لما جربنا جلسة تحضير الارواح وهى بتسمع اصوات غريبة بليل وصوت انفاس وكمان احيانا بتسمع
صوت بينادى على اسمها وصوت ضحكات مرعبة

فاقترحت عليها ان احنا نروح لشيخ من غير ما حد يعرف ووافقت ورحنا وحكينا له كل حاجة فقلنا انتوا لما حضرتوا الروح مصرفتوهاش و



وحاجة زى ديه كانت ممكن تازيكوا فقلنا له طب نعمل اية احنا عملنا كدة عن طريق الهزار ولو قلنا لاهلنا

هيعقبونا فقال لنل مفيش غير طريقة واحدة انكوا تشغلوا قران فى المكان ده وتسيبوا القران دة شغال

طول النهار وفعلا عملنا كدة لمدة يومين وفى مرة واحنا نايميين سمعنا صوت خبط ولما بصينا لقينا لقينا

نار مولعة على الحيطة فطلعنا جرى من الغرفة وبعد كدة دخلنا ملقناش حاجة فتانى يوم رحنا للشيخ وحكينا له

فقلنا هى كدة خلاص اتحرقت واوعوا تعملوا كدة تانى عشان دة مش هزار وممكن كمان كنتوا تتازوا فى الموضوع دة



اتمنى تنال اعجابكم ومستنية الردود