كــــابوس الشـياطين (فيلم رعب)!!

السلام عليكم ورحمة الله وبركاته

NIGHTMARE OF DEVILS

كـــــــــــــــــــــابوس الشياطيـــــــــن





للكبار فقط (فوق 18 سنه ) << يعني 17 سنه و11 شهر و29 يوم مايشوووووفها <<
يعني شلة الصغار هذولاء ( بلتثه والمجهول وعشق بدوي , واللي بعمرهم ) مايشوفونها لعدم تجاوزهم السن القانوني

مده الفيلم :: 3 ساعات وبدون تقطيع مشاهد << يعني على قولتهم الفيلم مش مظبوووووووط

هذه القصه تحتوي على مشاهد مخيفه تخلي الواحد يسويها على نفسه (تبول لا ارادي)
فلذلك نرجو من ذوي الاعمار الذين اقل من 18 سنه مايشوفون القصه
واذا شافوها وانجنو وراحو لمستشفى (شهار) اني ماليش دعوه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
يالله راح اشغل القصه جاهزززززززززززززززززين

كل واحد جلس بالمكان المخصص له << يابتع تع اجلس مكانك لو سمحت و بلاش ازعاج

كل واحد معاه فشار وبيبسي << مصدق نفسي اني بالسينما بالبحرين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
طق طق طق 3 مرات << شغلنا القصه تابعوووووووووووه

تن تون كخ كخ تن تون تششششششششششششششش << هذي موسيقى مخيفه مثل افلام الرعب


في عام 1319هـجري قبل الميلاد وتحديدن قبل شهر رمضان المبارك بيومين ونص

كنت مواصل سهران 14 يوم مانمت

الين طحت من التعب وقررت اني بنام

قمت فرشت سنوني على الرغم من انهم كلهم مسوسين

ودخلت الحمام وانتم بكرامه وعملتها << زي كل الناس ما تعملها

وانسدحت على السرير واول ما اندمجت بالنوم << بدينا بالدرامــــــا

جاني كابوس فظيع فظيع فظيع << متاثر بالممثله ليلي علوي

حلمت اني في ظلام قاعد ودخلو علي قطاوه سود يركضون ويقولون باء ماء << الشكل شكل قطاوه لكن الصوت صوت نعجه (خروف)

ودخل وراهم شايب معه عكازه وشكله يخرررررررررررررررررع << قولو بسم الله

طويل واسود وله انياب وسنونه كبار وصوته تقل صواعق

قلت : يمه يمه انت منو ؟؟

قالي: انا شيطانك(سلجاقو ) يافهمي تخبر حنا على وشك ندخل بالرمضان

واكيد يبون يربطوننا ويحطوننا (بالجمس) قلت امر اسلم عليك << ولد اصول والله ياسلجاقو

قلت: له انقلع مابي اشوف خشتك كفايه ذنوب ياخي انت ضيعتنا خلنا ناخذ حسنات شوي

قالي : بس ابي منك طلب اخير يافهمي ودموعه كانو اربع اربع

قلت له : اخلص وش تبي

قالي : ابيك تركب معاي ابي اوريك شيطان اخوايك بمنتدى كروم
(من قدك ياكابتن حتى الشياطين يعرفونك) ؟ ابيك تشوف حالهم ؟؟

قلت له : عاد انا تحمست وماكذبت خبر قلت له يالله بينا يالله.. ياحبيبي يالله... يالله يالله

وفعلن ركبت معاه على سيارته (البانورما ) طالعين للشرقيه بنشوف شيطان ام البراءه وتوته

قلت له : اوخس اووخس عليك من وين لك هالسياره الفخمه

قالي : مع ضحكه خفيفه ضحكة ثقه يعني
والله توني سارق نص مليون من ابو خالد (الوليد بن طلال )
ومريت وكالة الجفالي واشتريت هالسياره ولا بعد بها ريموووت << وانا اقول انا من طالع له حرااااامي

قلت له : بالله سلفني 200 ريال من الفلوس اللي معك قالي معصي << طلع قعيطي بخيل شيطاني

مالكم بالطويله ــــــــــــ


اول ماجينا الشرقيه ودخلنا بيت ام البراءه لقينا شيطانها محتاس ومتلخبط ويدور هنا وهناك
قلت له: وش فيك متلخبط ومعصب
قالي : ادور دولاب ام البراءه لها 10 سنوات مضيعته وابي القاه لها قبل لايمسكوني بالرمضان
وفجاءه صفط الجمس وخذوه بالجمس وربطوه وحطوه عند الجلنط << ياحراااام يابرورا لسه الدولاب ضايع

وبعدها نطلع انا وشيطاني لبيت توته لقيناه قاعد على شات كروم
وماعنده غير هالجمل بالشات (انا هنا , شكلي داخله عرض بينكم , انا بطلع )
وبرضو يجي الجمس وياخذ شيطانها ويربطونه ويحطونه عند الفرامل

وبعدها طلعنا انا وشيطاني لجده بنشوف شيطان جنون الليل وكنا مشغلين
اغنية آه ونص للمطرب عبدالكريم عبدالقادر

وحنا بالطريق لقينا مكتبه مهجوره قلت لشيطاني وقف خلني اشوف المكتبه هذي<< شفايه
دخلنا لقينا شيطان الهايم قاعد وعنده 5671234 مليون طعش كتاب يقراء فيهم<< ثقافه يعني
من ضمن الكتب اللي شفت :
مئة عام من العزله << للكاتب الكابتن سعيد العويران
وكتاب ياما بالسجن مظاليم << للكاتب الممثل بشير غنيم
وكتاب مدينة البهائم << وشو هالكتاب مدري وين لاقيه الهايم

لكن حاله حال اللي سبقوه جاء الجمس وربطه وحطه بالمكينه

واول ماوصلنا لجده مرينا بيت جنون الليل ولقينا شيطانها فوق السطح
يزين الانتل حق التلفزيون (الاريل)
عشان يصفي قناة الدانه لعيالها يبون يشوفون كروم
واسمعه يقول هاه ضبط تقول جنون الليل لا لا
وساعتين وهم على هالحاله
الين طبو عليه راعين الجمس وخذوه معهم وحطوه بالسله فوق<< وماصلح (الاريل)

=brown]]وبعدها طلعنا للرياض وكنا مشغلين اغنية (التاكسي) للمطربه الراحله ام كلثوم

مرينا شيطانSAUD لقيناه بالفيصليه يغازل
ولابس جنز (طيحني ) LOW WAIST
وبرضو صفط الجمس وزخوووه معاهم
وهو يقولهم لحظه ياخوي خلنا نرقم وبعدها بكيفك
وعطوه طراق وربطوه وحطوه بالدرج حق الشرطان

وبعدها مرينا منتزهات الرياض لقينا شيطان الكابتن كروم ومعاه شياطين الورعان بعد
ويلعبون وفالينها ومستانسين
لكن وقف عندهم الجمس وحطهم بالحوض وربطهم واحد واحد

وطلعنا من الرياض رايحين لحايل مشغلين اغنية (حايل بعد حيي) للمطربه شكيرا

وحنا بالطريق لقينا واحد قاعد في بيت شعر عنده نياق وحلال وخير
قلت لشيطاني وقف خلنا نشرب لبن خلفات << قالي اوكيه
نزلنا لقينا شيطان الفنتوشي وعنده شيطان ثاني بس ماعرفته
هذا الشيطان قعد يطلعني حيل لدرجة اني خفت منه
المهم طلع شيطان الفنتوشي شاعر وقصد علينا قصيده يقول فيها

احدن ينام وحط راســه بكمــــه ...... واحدن يصيب النوم عينه ويخطيه
واحدن يدٌور بالردى بنت عمه ...... واحدن يدٌور ستر عذرى عوانيه

لكن طب علينا الجمس وخذا شيطان الفنتوشي وحطه بالكبوت << وما كمل لنا القصيده

وصلنا حايل ولقينا شيطان وفي الروح قاعد يسمع اغاني ويكتب شعر ويبكي << مسوي رومانسي
وطب عليه الجمس وربطوه وحطوه مكان استبنة الكفر وهو مدرى فيهم << خاش جو الولد مع الاغاني

وبعدها دورنا شيطان المشتاق << طلع روحنا لين لقيناه دوخنا صج
لقيناه يفتر يتسكع بالشوارع ويفحط ويرفع على كفرتين ومطلع ريحة ام المرور
لكن هرب من المرور بس مايقدر يهرب من الجمس والله وهم يزخوووونه بالجمس ويحطونه بالرديتر

وبعدها مريت شيطان نجود لقيته قاعد بالسطح يسوي معسل تفاحتين << على بالها فتون علف
قلت له : انحش ياشيطان نجود يبي يطب عليك الجمس الحين
قالي : والشيشه بيدينه انا ما خاف من احد وراح اكمل شيشتي
انا لو يجيني عنتر بن شداد والله لا ادق لك خشمه << لا شكله قوي

وبعدها مريت شيطان يكفيني وجودي في بيتها
على فكره البيت هذا مليان صور طلال الرشيد << ومن الحب ماقتل
صور على الجدار وصور على الدولاب وصور بالمطبخ
وصور على القدور وصور بالمقلط وصور بالحوش ومكتوب على كل ابواب البيت ( الملتاع )
وشيطان يكفيني مبحلق عيونه وقاعد يناظر للصور ويبكي وذابحته الشمريه
الين طبو عليه راعين الجمس وزخووووه بالجمس وحطوه عند سماعات المسجل

وبعدها سيرنا على شيطان شيخة شمر لقيناه كاشت في شعيب مشار (طالع للبر يعني)
وشاب النار ومسوي القهوه
المصيبه اننا لقينا 5 شياطين
قلت لشيطاني منهم هذولاء
قال هذولاء كلهم شياطين شيخة شمر
واحد اسمه (حرفوش والثاني جحيم والثالث شلتوت والرابع برقوق والخامس مرسي )<< مرسي هذا هو القهوجي حق القعده والظاهر انه مصري
اول ما قالو لنا الله حيهم الا يطب عليهم الجمس ويربطونهم ويزخووووووونهم ويحطونهم تحت المراتب
والله ونجلس انا وشيطاني نتقهوى من قهوة شيخة شمر بعد ماربطوهم بس من جد خوش فنجال

وبعد ما مشينا من شيخة شمر سئلت شيطاني وين شيطان ماجد العلياني ماشفتوش
قالي : لا شيطان ماجد متخاوين هو شيطان وصيت قلبي مسافرين لبنان
شيطان ماجد عنده هناك اجتماع مع نيشان حق العراب
عشان يساعده على انه يسوي الحلقه السادسه والنصف من برنامج كرسي الاعتراف
وشيطان وصيت قلبي عنده اجتماع مع الدكتوره فوزيه سلامه حقت كلام نواعم
عشان تاخذ رائيها في موضوعها مقابلات مع فراشات المنتدى
وعلى حسب ما سمعت ان الجمس طلع للبنان ومسكو شيطان ماجد وشيطان وص وص (ولا يدرى وين الصحيح)


وبعدها قلت لشيطاني تكفى خلنا نروح للامارات والله ديره حلوه ومرتبه
قالي من فيها الامارات ؟؟
مافيها غير عاشقة الجنه << وهذي ما شاء الله عليها ماعندها شيطان
الله يثبتها البنيه


وبعدها قالي شيطاني اترك عنك الامارات وخلنا نروح للكويت نشوف شياطين كوكب الحلوين
قلت قدااااااااااام ياسلجاقو
وفعلن رحنا لماكدونالدز عشان نجدد جوازاتنا وطلعنا للكويت وبعد ما ختمنا عند منفذ نويصيب
وحنا نمشي بطريق الملك فهد

لقينا شيطان حلا الكويت يفتر بالسياره يسمع اغاني بشار السرحان
قلت له حتى انت مدمن بشار السرحان مثل حلاووووي
قالي اصلن انا اللي مطيحها فيه
وفجاءه يجي الجمس ويحد شيطان حلاووووي ويمسكه ويحطونه بجنب العفريته

وبعده قلت لشيطاني ودني للسينما بشوف فيلم احمد حلمي اسف على الازعاج
وفعلن رحنا(للافنيوز) بنشوف الفيلم الا لقينا قدامنا شيطان ريما الكويت وشيطان حنونه << شوفو وشلون الصدف
وقاعدين يتابعون الفيلم ومبسوطين يضحكون وخاشين جو مع الفيلم
شوي الا يطبون راعين الجمس ويربطونهم ويحطونهم بطفاية الزقاير

وبعدها طلعنا للجامعه لقيناه مفتوحه بالليل ويوم دخلنا فيها
لقينا شيطان الجوري يدور سجل الدرجات حق الدكتور (مهزع )
قلت له مهزع هذا اغلى دكتور عند الجوووووري
قال ادري بس الجوري مزفته عنده بالامتحان وابي اعدل درجتها اخاف تسقط
وجاء الجمس وربطوه ويحطونه عند القير قبل يعدل الدرجه << بس لاتخافين ياجوجو انا عدلت درجتك جبتي 3 من 50

آخر شي قالي شيطاني تبينا نروح لليمن << طلع راعي سفريات شيطاني
قلت له مافيه احد من الاعضاء يمني
قالي لا بس سماهر توه متزوجه ورايحه هي وزوجها لليمن شهر عسل <<العن ام المزاج ياسوسو مالقيتو غير اليمن
قلت له يالله نروح

وتخبرون طريق اليمن طويل وقفنا عند محطه نبي ناخذ غرفه نريح فيها
اول مادخلنا الغرفه لقينا شياطين 4 مشرفات
على السرير الاول شيطان صفاء << قاعد يقراء كتاب الانجليزي حق اولى ثانوي بنين بالمقلوب
وفاتح على درس اضافة ing
وعلى السرير الثاني والثالث شيطان حياة الروح وبنت المدينه << لقيتهم نايمين ولهم شخيرحياة الروح تشخر تقول خررررر وترد عليها بنت المدينه تشخر تقول هصصص
ويقولون ان هالشيطانين خيشة نوم << المصدر شيطان صفاء
وعلى السرير الثالث شيطان ايلاف << لقيناه شيطان محترم وتكانه وله هيبه ملك

شوي الا راعين الجمس موقفين عند المحطه يعبون بنزين وطبو على شيطان
صفاء وحياة وايلاف وبنت المدينه وربطوهم وحطوهم عند الدركسون


وبعد عناء طويل وصلنا اليمن <<
لكن ياخساره اول ماوصلنا لقينا راعين الجمس قبل ساعتين من وصولنا ماسكين شيطان سماهر
ومربطينه وحاطينه عند البواجي

المهم وحنا راجعين للسعوديه مرنا على ديرة عطني خشه نبي نشوفه
لكن لقيناه بالحمام وقتها وماقدرنا نشوفه
لين طبو عليه راعين الجمس بالحمام وربطوه وحطوه بالكفر << مدري حاس ان راعين الجمس يراقبوننا
كل مانروح مكان الا هم قدامنا والله غريبه

نهاية الرحله رجعني شيطاني الى سريري اللي مافيه دوشق اصلن
عشان اكمل نومتي وقالي اسمع يافهمي
(حنا راح نربط بالرمضان يعني مالنا قدره عليكم
ارجوكم استغلو هذا الوقت بالعباده والطاعه والاستغفار
وترى الموضوع سهل كل اللي عليكم انكم تحاربون نفوسكم الضعيفه وان شاء الله تقدرون عليها
وخصوصا اننا حنا شياطينكم مربوطين ؟؟ يعني مالكم عذر ولا حجه
وياليت تكون بداية تصحيح النفس من هالشهر ) << ماني قايل لكم انه ولد اصول شيطاني (وليدة عرب)

اول ماجيت برد على شيطاني الا سمعت صوت باب غرفتي يطق
طخ طخ طخ دق دق دق بيب بيب بيييييييييب
وصحيت من النوم الا هذي عنب << عنب هذي شغالتنا الاندونسيه عجوز اكبر من امي (اصلن امي دايم تقولها ياطنط )
تقولي يالله يافهمي قوم ,, يالله قومــــــي
اسطوانه غاز خلاص يالله سرعه جيبي اسطوانه جديد عشان سوي غداء

واقوم واروح لمحل الغاز الا لقيت نفس الشيطان اللي يطالعني بالكابوووس
اللي كان عند الفنتوشي في بيت الشعر حقه
وانا اخاف واخق وانحااااااااااااااااااااااااااااااااااااااش
الى الحين وانا اركض منحااااااااش
لدرجة اني كتبت الموضوع هذا وانا اركض عاضن شليلي (ثوبي) منحااااااااااااااااااااااااش



النهــــاية
THE END





1- منو منكم راح يطبق معاي نصيحة شيطاني الخايس (سلجاقو)؟؟

2- اليس من الغريب اني ماشفت شيطان بتاع كله بالكابوس على الرغم انهم المفروض
اول شيطان يمسكونه شيطان بتاع لانه منحرف ؟؟؟؟

3- تتوقعون ان شيطان نجووووود مسكوه وحطوه بالجمس والا مثل ما قال انه قوي وفعلن كمل
شيشته معسل التفاحتين ؟؟؟؟؟؟؟؟؟

4- مدري شغالتنا عنب سوت الغداء او لا على الرغم اني انحشت وماجبت اسطوانة الغاز ؟؟؟؟

5- وش سر العلاقه بين شيطان الفنتوشي وبين شيطان الهندي حق الغاز وخصوصن اني لقيتهم
جميع في بيت شعر الفنتوشي ؟؟