مأساة فاجعة ........ الحلقة الثالثة

فى الحلقة الماضية توقفنا عندما اخبرته حبيبته بالهاتف انها مسيحية

لنستكمل معا

ومن هول الصدمة تخشبت يده على الهاتف ولم يستطيع ان
ينطق حرفا واحدا وكان يسمع صوتها على الجانب الاخر
ولم يكن يميز من كلامها شئ فقط كان يعرف انها تتكلم
بصوت مختنق من شدة البكاء والعذاب والحزن
وبعد لحظات لا يدرى طويلة ام قصيرة اغلق الهاتف

يا الله 0000000000000
هذا اخر ما كان يتوقع
انه كان يتوقع اى مشكلة او عقبة تعترض زواجه منها
وكان على استعداد لمواجهة اى شئ مهما كان صعبا
وبعون الله كان سينتصر ويتزوجها رغم اى شئ
ولكن هذه العقبة بالذات لم تكن فى الحسبان
فماذا يفعل الان لقد السيف العزل ونفذ سهم الحب عن آخره الى قلبه
واصبح لا يستطيع الاستغناء عنها

يا الله 0000000000000000000
هل كتب عليه الشقاء والعناء انه يعانى من الالم منذ 7 سنوات
و بالتحديد منذ ان تزوج وهو يقاسى الالم والشقاء
وعندما وجد الانسانة التى يتمناها ويحلم بها
يجد انها لن تكون له فماذا يفعل؟
بالتأكيد لقد جرح مشاعرها حين اغلق الهاتف فى وجهها
عموما ليس فى وسعه الان سوى ان يحاول التخلص من هذا لحب
نعم 000 لن يكلمها 00000000000 لن يحاول رؤيتها
سيحاول نسيانها باى طريقة 0 ولكن هل سيستطيع؟

وفى الليله التالية كان يجلس بجوار الهاتف بلهفة كمن
ينتظر غائبا يفتقده من سنوات 000 صحيح ان كبريائه
منعه من الاتصال بها ولكنه كان ينتظر ويتمنى ان تكلمه هى
وبالفعل لم تمضى لحظات حتى اتصلت فى موعدها اليومى تماما
والتقط السماعه بلهفة وشوق شديدين

الو

نعم

ومالك بترد ببرود كده ليه انت لسه زعلان منى؟

اكيد طبعا زعلان جدا

ليه بقى؟ المفروض انا اللى ازعل لانك قفلت التليفون فى وشى
وما حاولتش تسمعنى وتعرف ان انا بتعذب اكتر منك
صدقنى انا عارفة انك بتتعذب لكن وحياتك انت عندى
انا بتعذب قد عذابك الف مرة بس مفيش فى ايدى حاجه اعملها

انتى ليه خبيتى عليا ومقولتيش من الاول؟

لانى بحبك وكنت خايفة لو عرفت تسيبنى
وساعتها مكنتش هستحمل انك تبعد عنى
لانك البسمة الوحيدة فى حياتى والشخص الوحيد
اللى بحب الدنيا علشانه ومكنتش متخيلة حياتى من غير وجودك معايا

ومفكرتيش فى اللى ممكن يحصل لى لما اعرف
بعد ما يفوت الاوان؟ مفكرتيش فى صدمتى؟

انا ما كنتش بفكر فى اى شئ غير انى بحبك
وعايزاك تفضل معايا وجنبى باستمرار
مكنتش بفكر فى المستقبل ابدا

ربنا يسامحك علشان خبيتى عليا

وعايزاك انت كمان تسامحنى ومتبقاش قاسى عليا

انا عمرى ما كنت قاسى مع اى مخلوق فى الدنيا

عارفة يا حبيبى بس عاوزة اسمعك بتقول انك سامحتنى

انا مقدرش غير انى اسامحك
لانى لو زعلت منك ابقى بزعل من نفسى

انت عارف ان حبى ليك بيكبر وبيزيد
يوم بعد يوم ليه؟

ليه ؟

لانك صاحب اطيب قلب فى الدنيا ومتعرفش تكره او تحقد
وفيه حاجات كتير بتحببنى فيك اكتر بس مش عارفة اوصفها لك

بلاش مبالغة انا مسامحك

يا حبيبى انا مش ببالغ انت مش عارف حبى ليك
وقيمتك عندى قد ايه

وهنعمل ايه دلوقت؟

للاسف مش هنقدر نعمل حاجة
الواقع المؤالم جاى ولازم اتعايش معاه
وانت كمان لازم تعيش الواقع بتاعك مهما كان مرير

يعنى مفيش اى حل؟

للاسف يا حبيبى مفيش

ولا اقدر اشوفك تانى؟

لأ يا حبيبى ده الشئ الوحيد الى مقدرش امنع
نفسى عنه انا لازم اشوفك كل يوم لغاية ما اتجوز

طيب وبعد ما تتجوزى وتسافرى؟

ربنا يتولانا انا وانت برحمته

واتفقا على اللقاء يوميا وكان يلتقيان فى اماكن مختلفة تجنبا للاعين
وزادت اللوعة وزاد الالم والعذاب وكانت كل لقاءتهما واحاديثهما
يكسوها الالم والحزن والشجن والدموع وكلما اقترب موعد الزفاف
كلما زادت المعاناه حتى انه صار عصبيا جدا فى كل شئ وفى كل مكان
عصبيا فى بيته ومع اولاده وفى عمله ومع اصدقاءه
لقد كانت حالته النفسية تسوء يوما بعد يوم مع اقتراب موعد زفافها
اما هى فقد اصفر وجهها ونحل جسدها واصيبت بهبوط حاد
نتيجة قلة الاكل وتم عرضها على طبيب وقال لوالدها ان حالة ابنتك نفسية
وجلس الوالد معها واستفسر منها عن ما يتعبها فاجابته بانها لا تريد الزواج
فقال لها اذا كان هناك شخص اخر مناسب فهو ليس عنده اعتراض
ولكنها اجابته بالنفى فقال لها اذا لم يكن هناك شخص اخر فما الداعى
للاعتراض على ابن عمتك
انه شخص مناسب ويعمل جيدا فى الولايات المتحدة وستسافرى معه
الى عالم اخر ودنيا اخرى ربما تجدى فيها سعادتك وفوق كل ذلك هذه رغبتى
وطالما انك ليس لك رغبة فى شخص اخر فالواجب ان تطيعى رغبة والدك
واطاعت ورضخت للرغبة والضغط فنحن فى مجتمع صعيدى
كان من الصعب فيه فى ذلك الوقت ان تعصى الفتاة رغبة والديها
وحان موعد الزفاف وطلبت من حبيبها ان يكون حاضرا فى الكنيسة
لحضور اكليل زفافها وبعد الحاح شديد منها ورفض كثير منه
قرر الحضور لانها قالت له اعتبر هذه رغبة اخيرة منى واتمنى ان تحققها لى
وبالفعل حضر الحفل وليته ما حضر
لقد ذهب متأخرا بعض الشئ وحين وصل وجد الكاهن يتلو مراسم الزفاف
ونظر اليها فوجد عينيها مغرورقتين بالدموع وكانتا زائغتين
وكأنها كانت تبحث عن شئ وسط جموع الحاضرين
وحين وقع بصرها عليه اشرق وجهها وابتسمت له ابتسامة حزينة كسيرة
اودعت فيها كل ما تعانيه من العذاب والشقاء
وحين رأى وجهها الجميل الحزين الممتلئ بالدموع والتعاسة
وفكر فى انه قد لا يرى هذا الوجه مره اخرى كاد ان يصرخ من الالم
وخرج مسرعا من الكنيسة وهو لا يعلم الى اين يذهب
فقد كان يتمنى فى هذا الوقت ان يموت!!!!!!!!!!!!!!!!!!!!
نعم 0000 فقد كان الموت بالنسبة اليه ارحم مما يعانيه الان
وبعد يومين بالضبط سافرت مع زوجها الى الولايات المتحدة
واحس ان الكون كله خواء من حوله ولولا بقية من
ايمان بالله ما زالت بداخله لانتحر واراح نفسه من هذا العذاب
ومر عليه ثلاثة ايام لم يذق فيها الاكل او النوم الى ان اصيب بانهيارعصبى حاد
وتم نقله الى المستشفى وبعد ان عالجوه ببعض المحاليل نصحهم احد الاطباء
بعرضه على طبيب نفسى وحين علم بهذا الكلام لم يعترض فربما يساعده
الطبيب النفسى فى الخروج مما هو فيه
وتم عرضه على الطبيب وحاول معه الطبيب كثيرا ولكنه لم يغير من الامر شئ
فقد كان ما يقوله الطبيب يعلمه هو جيدا ولكن قلبه ليس بيده
لو كان قلبه بيده لتخلص من هذا الامر منذ ان عرف انها ليست على دينه
وكان اخوه الاصغر يعلم بالامر ثم بعد ذلك حكى هذا الاخ لوالدته
وفى صباح احد الايام وهو راقد فى فراشه دخلت عليه والدته
ونظرت اليه نظرة طويلة حزينه وامتلأت عيناها بالدموع
واخذته فى حضنها وبكى هو الاخر لقد وجد اخيرا صدرا حنونا يرتمى فيه
وينفس عن مشاعره المكبوته ودموعه الحبيسه
وقالت له والدته

سامحنى يا حبيبى ما كنتش عارفة ان كل ده ممكن يحصل لك

اسامحك على ايه يا امى انا بس تعبان شوية وانتى ذنبك ايه؟

لأ يا حبيبى ذنبى 0000 انا عارفه انه ذنبى

ايه هو اللى ذنبك انتى بتتكلمى عن ايه؟

انا عرفت كل حاجة يا ابنى

حاجة ايه يا امى؟

اخواتك التلاته اللى اتجوزوا بعدك كل واحد فيهم اختار
عروسته براحته واختار اللى بيحبها وكان الواحد فيهم
بييجى ويجرى عليا ويحكى عن اللى بيحصل معاه
وانه بيحب بنت فلان وعايز يتجوزها 00000 كلهم يا حبيبى حبوا و اختارو
انت الوحيد الى ما عشتش زى الشباب
ولا جيت فى يوم وقلت لى بحب وعايز اتجوز يا امى
وانا السبب فى كده انا اللى خليتك اتجوزت بدرى غصب عنك
وكان لازم اعرف انك هيجيلك يوم وقلبك يدق لواحده انت عايزها
بس ما كنتش اعرف انى هكون السبب فى عذابك بالشكل ده

ابدا يا امى انتى معندكيش ذنب
انا نصيبى كده مكتوب عليا انى افضل تعيس

انا عارفة انك مش مرتاح مع مراتك وحاسة ان انا السبب فى تعبك

لأ يا امى مش انتى السبب انا قلت لك نصيبى كده

بس لو حصل لك حاجه انا مش هسامح نفسى
انا ممكن اموت لو جرالك حاجة
عشان خاطرى شد حيلك وحاول تقوم تشوف اولادك
وشغلك وعيش وسط الناس يمكن تنسى ويمكن ربنا
يعوضك بواحدة حلوة تكون مسلمة ومن دينك
وساعتها انا اول واحدة اشجعك على الزواج

وفى هذا اليوم وبعد هذا الحديث الذى دار بينه وبين والدته
قرر ان يقاوم وان يعيش وان يحاول النسيان فربما ينعم الله عليه
بنعمة نسيانها !!!!! نعم لقد كان يرى ان نسيان هذا الحب المدمر نعمة كبيرة من الله
واهم شخص يجب ان يقاوم من اجله هى والدته
فهو لا يريد ان يراها تتألم من اجله او ان يكون سببا فى حزنها
ولا يريدها ابدا ان تحس انها ظلمته
وبعد مرور اسبوع ولا يدرى كيف مر عليه هذا الاسبوع واثناء وجوده
فى عمله اذا بفتاه تسأل عنه وعندما استقبلها
سلمته رساله مغلقة وقالت له انها صديقة 0000 وقد سلمتها هذه الرساله
قبل سفرها بيوم واحد وطلبت منها ان تسلمها اليه بعد سفرها
وانها جاءت اليه فى عمله اكثر من مرة ولم تجده
فشكرها وانصرفت ومن شدة لهفته فتح الرسالة وقرأها فى محل عمله
وهذا نص رسالتها الاخيرة

************************************************************8

حبيبى الغالى
اعتقد ان هذه الرسالة ستكون آخر رسالة منى اليك
واعتقد ايضا اننا ربما لن نتقابل مرة اخرى
واذا تقابلنا فربما يكون ذلك بعد سنوات لايعلم عددها الا الله
فارجوا ان تتذكرنى بالخير مهما حدث ومهما طال البعد بيننا
ولا تكن قاسيا على حبيبتك التى لن تنساك مهما طال بها الزمن
اننى فى خطابى الاخير هذا ساعترف لك باشياء ربما يكون لك فيها العزاء عن فراقنا
الذى اعلم انه يمزقك 0000 ولكنه لا يمزقنى فقط000 بل يقتلنى
اعترف لك اننى عشت حياتى كلها لا اعرف من الحب الا حبى لك
ولا اعرف من الدنيا الا انت ..ولا اعرف من الحياه الا ايامى معك
اعترف لك ايضا اننى احببتك و اخلصت لك بكل مشاعرى وقدرتى وحياتى
ولم يلمس قلبى او نفسى او مشاعرى غيرك ولن يلمسهم غيرك
لانك الوحيد الذى سكن فى قلبى وتربع على عرش فؤادى
وكل البشر من بعدك اشباح بلا ملامح ولا وجوه
ساعيش عمرى كله وانا احبك واخلص لك
ساحبك رغم الظروف العنيدة .. ساحبك وحدى وستظل فى نظرى
صاحب اطيب نفس واطهر قلب ....ساحبك بالرغم من كل شئ
ورغم الحاجز المستحيل الذى بيننا والذى
يجعل زواجنا محكوما عليه بالموت قبل ان يولد
ولكنى سادعوا الله دائما ان تكون من نصيبى بعد موتى
لانى اعلم انك لن تكون لى فى حياتى
فسامحنى يا حبيبى لانك تعلم انه ليس بيدى اى شئ
ومرة اخرى ارجوك اذا لم يصلك منى او عنى شئ فلا تقسو علي

وداعا ....وداعا يا اغلى الناس
حبيبتك التى لن تنساك
(......)

البقية الحلقة القادمة

يعطيك العافيه افلام رعب , رعب رعب

Tamara كتب:: يعطيك العافيه

عافاك الله اختى تمارى
اكيد بتسألى فين الفاجعة دى مجرد حكاية عادية
ممكن تحصل لأى شخص
ولكن النهاية فعلا مفجعة

انتظرى

اكيد بنتظر بفارغ الصبر

ودي اعرف الشي اللي قالتوا وخلاه يقفل السماعه فوجهها ..

اتابعك ياسيدي بشوق << تقبل تحياتي

Tamara كتب:

اكيد بنتظر بفارغ الصبر

ودي اعرف الشي اللي قالتوا وخلاه يقفل السماعه فوجهها ..

اتابعك ياسيدي بشوق << تقبل تحياتي

عزيزتى تمارى

هل قرأتى القصة جيدا ام انك تردى على موضوعى كنوع من المجاملة

لقد قالت له انها مسيحية اى انها نصرانية تدين بدين المسيح وليست مسلمة

وهو مسلم ولم يكن يعرف هذا حين احبها وتعلق بها

ولو قرأتى الحلقة الثالثة جيدا كنت ستعرفى بوضوح

لأنها عقدت قرانها فى الكنيسة على يد كاهن

تقبلى شكرى العميق لاهتمامك ومتابعتك

اهاا الحين فهمت امر الكنيسه

عذرا ياغالي مانتبهت لان الخط صغير واللون يوجع العين

معليش << وبعدين لو مش بحب الموضوع مابتابعوا وارد مجامله

بس القصه فعلا مشوقه وحابه اعرف الفاجعه بجد

اتمنالك التوفيق

Tamara كتب:: اهاا الحين فهمت امر الكنيسه

عذرا ياغالي مانتبهت لان الخط صغير واللون يوجع العين

معليش << وبعدين لو مش بحب الموضوع مابتابعوا وارد مجامله

بس القصه فعلا مشوقه وحابه اعرف الفاجعه بجد

اتمنالك التوفيق

دائما تشرق شمسك على موضوعاتى
فتنيرها لك منى كل اشكر والتحية
على متابعتك واهتمامك

مأساة فاجعة ........ الحلقة الثالثة 860305

يسلموووووابو خشبه

بانتظار البقيه

لايت كتب:: يسلموووووابو خشبه

بانتظار البقيه

سلمت من كل سوء ومكروه عزيزتى لايت
البقية قادمة ان شاء الله

» مأساة فاجعة ........ الحلقة الأولى
» مأساة فاجعة ........ الحلقة الثانية
» مأساة شابة
» فاجعة طفل حبس امه بدورة المياه
» الحلقة الأولى : من احكام الجن